IPL 2025 : ભારતીય ક્રિકેટ કંટ્રોલ બોર્ડ (BCCI) ના ઉપપ્રમુખ રાજીવ શુક્લાએ રવિવારે (12 જાન્યુઆરી) જણાવ્યું હતું કે ઇન્ડિયન પ્રીમિયર લીગ (IPL 2025) ની આગામી સીઝન 23 માર્ચ, 2025 થી શરૂ થશે. શુક્લાએ રવિવારે મુંબઈમાં બીસીસીઆઈની સામાન્ય સભામાં આ જાહેરાત કરી. રવિવારે પત્રકારો સાથે વાત કરતા, શુક્લાએ શરૂઆતની મેચની તારીખની પુષ્ટિ કરી પરંતુ પ્લેઓફ કે ફાઇનલની તારીખ સ્પષ્ટ કરી નહીં. તમને જણાવી દઈએ કે IPL 2025 14 માર્ચથી શરૂ થવાનું હતું. પરંતુ હવે ટુર્નામેન્ટ થોડી મોડી શરૂ થશે.
IPL 2025 Schedule
ઇન્ડિયા ટુડેના એક અહેવાલ મુજબ, IPL 2025 ની તારીખ બદલીને 23 માર્ચ કરવામાં આવી છે. પ્લેઓફ અને ફાઇનલ મેચની તારીખો હજુ સુધી જાહેર કરવામાં આવી નથી પરંતુ IPLનું નવું શેડ્યૂલ ટૂંક સમયમાં જાહેર કરવામાં આવશે. બીસીસીઆઈએ તાજેતરમાં તેના મુંબઈ મુખ્યાલયમાં એક બેઠક યોજી હતી. આમાં ઘણા મહત્વપૂર્ણ મુદ્દાઓ પર ચર્ચા કરવામાં આવી. હવે BCCI ની આગામી બેઠક 18 કે 19 જાન્યુઆરીએ યોજાઈ શકે છે. આમાં, ચેમ્પિયન્સ ટ્રોફી માટે ટીમ ઈન્ડિયાની ટીમને અંતિમ સ્વરૂપ આપવામાં આવશે. આઈપીએલ પર પણ ચર્ચા થઈ શકે છે.
T20 ટુર્નામેન્ટની 18મી સીઝન પહેલા બે દિવસીય મેગા ઓક્શનનું આયોજન કરવામાં આવ્યું હતું. રિષભ પંત IPL હરાજીના ઇતિહાસમાં સૌથી મોંઘો ખેલાડી બની ગયો છે. લખનૌ સુપર જાયન્ટ્સે તેને 27 કરોડ રૂપિયામાં ખરીદ્યો.
ગયા વર્ષે કોલકાતા નાઈટ રાઈડર્સને આઈપીએલનો ખિતાબ અપાવનાર શ્રેયસ ઐયરને પંજાબ કિંગ્સે 26.75 કરોડ રૂપિયામાં ખરીદ્યો હતો. તે લીગ ઇતિહાસમાં બીજા ક્રમનો સૌથી મોંઘો ખેલાડી બન્યો. વેંકટેશ ઐયરને KKR એ 23.75 કરોડ રૂપિયામાં ખરીદ્યા. આ રીતે તે IPL ઇતિહાસનો સૌથી મોંઘો ઓલરાઉન્ડર બની ગયો છે.
દેવજીત સેકિયા અને પ્રભતેજ સિંહ ભાટિયાને રવિવારે ભારતીય ક્રિકેટ બોર્ડ (BCCI)ની એસજીએમમાં નિર્વિરોધ સચિવ અને કોષાધ્યક્ષ પસંદ કરવામાં આવ્યાં હતા. જય શાહ અને આશિષ સેલારના રાજીનામા પછી બંને પદ ખાલી પડ્યાં હતા. સેકિયા અને ભાટિયા આ ખાલી જગ્યાઓ પર નામાંકન ભરનાર એક માત્ર ઉમેદવાર હોવાના કારણ બિનહરીફ પસંદ કરવામાં આવ્યાં છે.