ભરૂચ : ભરૂચ જિલ્લાના નાગરિકોને દરેક સરકારી યોજનની માહિતી સરળતાથી મળી રહે તે માટે ભરૂચ મામલતદાર કચેરી ખાતે ‘મારી યોજના’ પોર્ટલ હેલ્પ ડેસ્ક શરૂ કરવામાં આવ્યુ છે.
મારી યોજના પોર્ટલ
ભરૂચ જિલ્લાના કલેક્ટર ગૌરાંગ મકવાણા દ્વારા આ મારી યોજના પોર્ટલ દ્વારા નાગરિકો ને 680થી વધુ યોજનાઓની માહિતી પોર્ટલ પર મળી રહેશે એવી માહિતી આપી હતી.
સરકારી યોજનાઓની માહિતી એક જ પોર્ટલ પર
આ પોર્ટલ ની વેબસાઈટ http://mariyojana.gujarat.gov.in જે ઓનલાઇન ઉપ્લ્ભ છે, જેમાં ગુજરાત રાજ્ય અને કેન્દ્ર સરકારની તમામ સરકારી યોજનાઓની માહિતી ગુજરાતી અને અંગ્રેજી ભાષામાં મુકવામાં આવેલ છે. આ પોર્ટલમાં શિક્ષણ, આરોગ્ય, ખેતી, રોજગાર, પશુપાલન તેમજ વિવિધ વિભાગ ની યોજનાઓ ની માહિતી મુકવામાં આવેલ છે. દરેક નાગરિકો પોતાની જરૂરિયાત અને પાત્રતા મુજબ યોજનાઓની માહિતી એક જ કિલ્ક માં પોતાના મોબાઈલ પર જોઈ શકે છે.
મારી યોજના પોર્ટલનું લોકાર્પણ કાર્યક્રમમાં કલેક્ટર ગૌરાંગ મકવાણા, જિલ્લા વિકાસ અધિકારી યોગેશ કાપસે, પ્રાંત અધિકારી મનિષા મનાણી, મામલતદાર માધવી મિસ્ત્રી સહિતના વિવિધ કચેરીઓના અધિકારીઓ હાજર રહ્યા હતા. સાથે કલેક્ટર દ્વારા અધિકારીઓને આ પોર્ટલ નું જરૂરી માર્ગદર્શન આપવા માં આવ્યુ હતું.
રાજ્યના મુખ્યમંત્રી ભૂપેન્દ્ર પટેલ દ્વારા મારી યોજના પોર્ટલથી દરેક સરકારી યોજનાઓનો લાભ નાગરિકોને ઝડપી અને સચોટ માહિતી મળી રહે એ માટે દરેક નાગરિકો માટે આ પોર્ટલ શરુ કરવામાં આવ્યુ છે .